Арктикийн улсын соёл, урлагийн дээд сургууль

Арктикийн улсын соёл, урлагийн дээд сургууль (АУСУДС) бол Оросын хамгийн том бүс нутаг болох Зүүн хойд Арктикийн бүсэд соёл, урлагийн чиглэлийн мэргэжилтнүүдийг бэлтгэдэг Оросын цорын ганц суурь, бүс нутгийн их сургууль юм.

АУСУДС нь Арктикийн хүн ам багатай ард түмнүүдийн уран бүтээлийн чиглэлийн мэргэжилтнүүдийг бэлтгэхдээ алдартай, тэргүүлэх байгууллагуудын нэг юм.

АУСУДС-д Бүгд Найрамдах Саха (Якут) улс, Оросын өөр бүс нутаг, Киргиз, Монгол улсаас ирсэн 796 оюутан суралцдаг.

2022 онд АУСУДС нь улсын дэмжлэг үзүүлэх «Тэргүүлэх чиглэл 2030. Алс Дорнод» хөтөлбөр орсон бөгөөд үүний ачаар тус сургууль нь эрчимтэй хөгжиж, шинэ сургалтын хөтөлбөрүүд нэвтрүүлж, материалын хангамжаа сайжруулж байна.

agiki.ru
VK – @agiki_official
Telegram –  @agiki_14

Элсэлт

Гадаадын элсэгчид АУСУДС-д хоёр аргаар элсэх боломжтой:

1. Нэгдүгээрт, үнэ төлбөргүй!

Үүний тулд намар (хугацаа нь өөрчлөгдөж болно) Россотрудничество-ийн education-in-russia.com албан ёсны порталаар элсэлтийн хүсэлт илгээж, үнэ төлбөргүй суралцахаар элсэх боломжтой.

Россотрудничество-ийн шугамаар АУСУДС-д дараах чиглэлээр үнэ төлбөргүй өдрийн ангид суралцах боломжтой:

• «Хэрэглээний мэдээлэл зүй»
• «Ардын уран сайхны соёл» («Кино, гэрэл зураг, видео студийн удирдлага», «Угсаатны соёлын төвийн удирдлага», «Сонирхогчдын бүжгийн хамтлагын удирдлага» мэргэжлүүд)
• «Нийгэм, соёлын ажил»
• «Номын сан, мэдээллийн ажил»
• «Хөгжим, зэмсэгийн урлаг»
• «Хэрэглээний чимэглэлийн урлаг, ардын урлал»
• «Жүжиглэх урлаг»
• «Уран зураг»
• «График»

Үнэ төлбөргүй суралцахаар элссэн оюутнуудыг дараах зүйлсээр хангана:

• Тэтгэлэг
• Орчин үеийн тохилог оюутны байр

2. Хоёрдугаарт, шууд АУСУДС-д өргөдөл гаргаж, төлбөртэй суралцахаар элсэх боломжтой.

Россотрудничество-ийн порталыг анхааралтай хянаж, Монгол дахь Оросын соёлын төвийн арга хэмжээнд оролцож, АУСУДС-ийн сайт руу орж байгаарай. Элсэлтийн шалгалт эсвэл нэмэлт уран бүтээлийн шалгалтын шаардлагыг хараад санаа зовох хэрэггүй. Элсэлтийн комиссийн ажилтан залгахад хариулахын тулд элсэлтийн үед холбоотой байхыг хичээгээрэй.

Элсэлтийн комисс

priem2024@agiki.ru
+7 4112 42-11-67

Анхаар!

АУСУДС нь зарим уран бүтээлийн чиглэлээр элсэлтийн шалгалтыг зайнаас авдаг. Таны хүсэлт Россотрудничество-ийн портал дахь АУСУДС-ийн хувийн танхимд ирсэний дараа шалгалт явагддаг, үүний тулд элсэлтийн комиссийн ажилтнууд таны хүсэлтэд заасан утасны дугаараар холбогдох болно.

Сургалт

АУСУДС-д хөгжим, урлаг, нийгэм соёл, театрын чиглэлийн мэргэжилтнүүдийг бэлтгэдэг.

2023 оноос эхлэн АУСУДС нь дээд боловсролын хоёр шинэ боловсролын хөтөлбөрийг хэрэгжүүлж эхлүүлж байна:

• «Ардын уран сайхны соёл» чиглэл, («Кино, гэрэл зураг, видео студийн удирдлага» мэргэжил
• «Номын сан, мэдээллийн ажил» магистрын чиглэл, «Дижитал орчин дахь номын сангийн ажлын танин мэдэхүй судлалын онол, арга зүй» мэргэжил

Мөн нээлттэй, эрэллтэй боловсролын хөтөлбөрүүдэд элсэлт авч байна:

• «Орон зайн дизайн»
• «Дижитал график дизайн»
• «Хувцасны загвар, нэхмэл эдлэл»
• «Үнэт эдлэлийн дизайн»

Тус дээд сургуульд Хойд зүгийн ард түмнүүдийн соёлын кодын гүн түүхийг судалдаг хоёр лаборатори ажилладаг. Үнэт эдлэлийн дизайны шинжлэх ухааны дэмжлэгийн хангах зорилгоор Үнэт эдлэлийн дизайны лаборатори байгуулагдаж байгаа.

«Дизайн»

Өдрийн анги

Элсэгчдийн улс орнуудын боловсролын яамтай хамтран Россотрудничество нь элсэлтийн шалгалтыг зохион байгуулдаг. Элсэлтийн өмнөх жилийн намраас эхлэн Россотрудничество, Монгол дахь Оросын соёлын төв, Монгол Улсын Боловсролын яамны зарлалыг анхаарч эхлэх хэрэгтэй.

Монголоос ирсэн оюутнууд болох Нямжав Оргилбаяр (3 курс), Уянга Батхүү (2 курс) нар АУСУДС-ийн Ардын уран сайхны соёлын тэнхимд «Сонирхогчдын бүжгийн хамтлагын удирдлага. Багш» мэргэжлээр суралцдаг.

Тэтгэлэг

Россотрудничество-ийн шугамаар төсвийн зардлаар суралцахаар элссэн АУСУДС-ийн гадаад оюутнууд сургалтын дүнгээс үл хамааран нийт сургалтын хугацааны турш ОХУ-ын төсвөөс улсын тэтгэлэг авдаг. Улсын тэтгэлэгийн хэмжээ нь 7 000–8 500 RUB байдаг.

Дасан зохицох

Гадаад оюутнуудад дасан зохицоход нь туслах зорилгоор гадаад оюутнуудыг Якутын түүх, соёлтой танилцуулах соёлын арга хэмжээ, сэдэвчилсэн концерт, харилцан яриа, кино үзүүлбэр, биеийн тамир, зугаа цэнгэлийн арга хэмжээ, форум, буухиа уралдаан, квест тоглоом, уран бүтээлийн тэмцээн, наадам зохион байгуулдаг. Тус дээд сургуулийн оюутнууд оюутны байгууллагуудын үйл ажиллагаа, сайн дурын хөдөлгөөнд идэвхтэй оролцдог.