Бүгд Найрамдах Буриад Улс

Газар зүй. Энэхүү Бүгд Найрамдах Улс нь баруун, хойд ба зүүн хэсгээрээ Оросын дараах бүс нутгуудтай хиллэдэг: Бүгд Найрамдах Тува Улс, Эрхүү муж (Байгаль нуураар өнгөрөх таван зуун километрийн усан хил) ба Өвөр Байгалийн хязгаар. Буриадын өмнөд (Монгол Улстай хиллэх) хил нь Оросын Холбооны Улсын хил байдаг. Хөрсний гадаргуу нь сүрлэг уул нуруу ба уулс хоорондын өргөн, гүнзгий хотгортой. Уулын эзлэх талбай нь нам дор газрын эзлэх талбайгаас 4 дахин их байдаг. Буриадын нутаг дэвсгэрийн нийт талбай – 351 334 км².

Уур амьсгал. Эрс тэс: өвөл хүйтэн, хавар салхитай, зун халуун бөгөөд богино.

Дундаж температур

• -25°С өвөл
• +26°С зун

Хүн ам

Эдийн засаг. Бүгд Найрамдах Буриад Улс нь Оросын аж үйлдвэр, хөдөө аж ахуйн төрлийн эдийн засагтай бүс нутгийн тоонд багтдаг. Үндсэн салбарууд: хөдөө аж ахуй ба ойн аж ахуй, барилга бүтээн байгуулалт, ашигт малтмалын олборлолт.

Тээвэр зуучлал.

• Буриадын автозамын нийт урт – 14 000 гаруй км, түүнээс 827 км – холбооны ач холбогдол бүхий зам.
• Буриадын төмөр замын урт – 2 044 км. Төмөр замын төв вокзал нь Улаан-Үд хотод байрладаг.
• Хотын төвөөс 15 км зайд, Байгаль нуураас зүүн өмнөд чиглэлд 75 км зайд байрладаг «Байкал» Улаан-Үд хотын олон улсын нисэх онгоцны буудал.

Дурсгалт газрууд

• Асагат дацан. Буриадын хамгийн чухал бөгөөд эртний Буддын дацангуудын нэг, 1825 онд үүсгэн байгуулагдсан. Архитектурын суурь нь квадрат. Буддын шашны уламжлалын дагуу төв хаалга нь өмнөд зүг рүү чиглэсэн байдаг.
• Байгаль нуурын дархан цаазат газар нь Хамар Давааны нурууны нутаг дэвсгэрийг хамардаг. Дархан цаазат газрын хил нь  Мишиха ба Выдринная голоор явдаг. Тус дархан цаазат газарт зэрлэг ургамал ба ан амьтдын асар том генийн сан хадгалагдсан байдаг: дээд ба доод ургамлын танигдсан зүйлийн нийт тоо 2 мянга, сээр нуруутан амьтад – 350 гаруй, сээр нуруугүй амьтад – 1 500 гаруй зүйлд хүрдэг.
• Баргузины хөндий бол байгалийн дурсгалт газрууд ба өөр өөр овог аймаг, ард түмний мөргөлийн (ариун) олон газар байрладаг газар нутаг юм. Энд хойд зүгийн Буддын ертөнцийн хамгийн чухал ариун газруудын нэг болох Бархан уул байрладаг. Энд Буддын шашны дацан, үнэн алдартны шашны сүмүүдийг барьсаар ирсэн уламжлалтай.

Нийслэл – 1666 онд үүсгэн байгуулагдсан Улаан-Үд хот. Зүүн Сибирийн соёл, шинжлэх ухаан, аж үйлдвэрийн төв.

Хүн ам