Вяткагийн улсын хөдөө аж ахуйн технологийн их сургууль

Вяткагийн улсын хөдөө аж ахуйн технологийн их сургууль нь агроном, биологи, мал судлал, мал эмнэлэг, хөдөө аж ахуйн инженер, эдийн засгийн чиглэлийн мэргэжилтнүүдийг бэлтгэдэг.

Тус их сургууль нь оюутнууд болон төгсөгчдийн дадлага хийх, цаашид ажлын байр болох Оросын Холбооны Улсын хөдөө аж ахуйн аж үйлдвэрийн цогцолборын томоохон аж ахуйн нэгжүүдтэй хамтран ажилладаг.

Хүрэлцэн ирэх, дасан зохицох

Их сургуулийн ажилтнууд гадаадын элсэгч оюутан бүрийг тосон авч, хөтлөн дагуулдаг. Тэд оршин суух газрын дагуу бүртгэл хийлгэх, эрүүл мэндийн даатгал авах, оюутны байранд нүүж ороход дэмжлэг, туслалцаа үзүүлдэг.

Вяткагийн УХААТИС-д залуучуудын бодлогод ихээхэн анхаарал тавьж ажилладаг бөгөөд тус бодлогын гол зорилго нь мэргэжлийн өндөр түвшний, өрсөлдөх чадвартай боловсон хүчин бэлдэхээс гадна амьдралын эрүүл хэв маягтай, нийгмийн хариуцлагатай, бүтээлч хувь хүнийг төлөвшүүлэх явдалд оршдог. Бүх гадаад оюутнууд шинжлэх ухаан, уран бүтээл, чөлөөт цагийн үйл ажиллагаа явуулах өргөн боломжтой байдаг: шинжлэх ухааны төсөл хэрэгжүүлэх, төрөл бүрийн түвшний эрдэм шинжилгээний бага хуралд оролцох, спортын арга хэмжээнд оролцох, сайн дурын ажил хийх, их сургуулийн театр ба бүжгийн үзүүлбэр тавих гэх мэт.

vgatu.ru
Telegram – @vgatu1930
VK – @info.vgsha
VK – @international_department_vgatu

Элсэлт

Бичиг баримт хүлээн авах ажил ба элсэлтийн шалгалт 6-р сарын 20-оос 8-р сарын 19 хүртэл үргэлжлэнэ.

Элсэлтийн шалгалт нь биечлэн ба цахим хэлбэрээр явагдана:

• бакалаврын хөтөлбөрт: гурван хичээлийн шалгалт
• магистрын хөтөлбөрт: бэлтгэлийн зохих чиглэлээр тест явуулна
• аспирантурын хөтөлбөрт: тусгай хичээлийн шалгалт

Бакалавр, магистр, аспирантурын боловсролын хөтөлбөрөөр суралцах боломжит хувилбарууд:

• төлбөртэй сургалтын гэрээний дагуу
• Оросын Холбооны Улсын квотын дагуу

Элсэгчдэд зориулсан заавар

1. Бичиг баримтаа бэлдээд, priem@vgatu.ru хаяг руу илгээнэ үү 
   • гадаад паспорт, нотариатаар баталгаажуулсан орчуулгын хамт
   • боловсролын бичиг баримт ба дүнгийн хавсралт, нотариатаар баталгаажуулсан орчуулгын хамт
   • гадаадын боловсролыг хүлээн зөвшөөрөх гэрчилгээ (шаардлагатай бол)
   • зураг 3×4 см
   • зорилго тодорхойлсон эссэ (магистр, аспирантурт элсэхэд)
   • нийтлэлийн жагсаалт (аспирантурт элсэхэд)
2. Элсэлтийн шалгалт өгнө үү
3. Их сургуулиасаа урилга хүлээн авч, Орос руу нэвтрэх сургалтын виз авна уу
4. Хүрэлцэн ирэх огноогоо мэдэгдэнэ үү

Элсэлтийн комисс

Дарга
Потураева Екатерина Руслановна
priem@vgatu.ru

Бэлтгэл анги

"Гадаадын иргэд, иргэний харьяалалгүй хүмүүсийг орос хэлний мэргэжлийн боловсролын хөтөлбөрийг эзэмшихэд бэлтгэх" хөтөлбөр

Сургалтын төлбөр:

Жилийн 100 000 – 125 000 RUB

Сургалтын хөтөлбөр нь гурван түвшинтэй: анхан шатны, суурь, гүнзгийрүүлсэн. Түүнээс гадна, сурагчид Оросын Холбооны Улсын их дээд сургуульд элсэхэд шаардлагатай гурван хичээлээс сонголт хийх боломжтой.

Бэлтгэл ангийн сурагчдад зориулж Киров хот болон бүс нутгийн музей, үзэсгэлэнт газруудад боловсролын болон сэдэвчилсэн аялал зохион байгуулдаг. 2020 оноос эхлэн Олон улсын залуучуудын өдрийг тохиолдуулан «Оюутны идэвхийн зуны сургууль» хөтөлбөрийг хэрэгжүүлж, олон төрлийн зугаа цэнгэлийн ба танин мэдэхүйн арга хэмжээг зохион байгуулдаг.

Орос хэл сурж буй хүмүүст өгөх зөвлөгөө

Сургалтын эхлэл үеийн хамгийн хэцүү зүйл бол бичгийн хэл юм.

• Авиа зүй, зөв бичгийн дүрэмд онцгой анхаарах хэрэгтэй, учир нь унших, ярих, дүрэм, үг хэллэг сурахад бичгийн хэл нь чухал туслах үүрэг гүйцэтгэдэг
• Аман яриаг тогтоон цээжлэж сур:
  • Орос хэлтэй ном унш
  • Орос хөгжим сонс
  • Орос кино үз
• Хичээлийнхээ эхнээс шууд орос хэлээр ярьж эхлэх нь чухал. Алдаа гаргахаас бүү ай: хүн бүр алдаа гаргадаг!
• Таныг оросоор ярихыг хичээж байгааг багш тань үнэлж, Таныг ойлгохыг хичээх болно
• Орост ирж орос хэлний дадлага хий

Орос хэл сурах бүх үе шатанд бичих ба ярих чадвараа тасралтгүй сайжруулж байх нь чухал юм.

Мал аж ахуй

бакалавр

Мэргэжил - Мал аж ахуйн гаралтай бүтээгдэхүүн үйлдвэрлэх технологи

Тус хөтөлбөр нь мал аж ахуйн үйлдвэрлэлийн технологийн чиглэлээр мал судлалын бакалаврын мэргэжилтнүүдийг бэлтгэдэг. Хөтөлбөрийг төгсөгч нь мал тэжээх, үржүүлэх, амьтны гаралтай бүтээгдэхүүн боловсруулах технологийн чиглэлээр орчин үеийн арга ба технологийг ашиглах мэдлэгтэй болно.

Мэргэжлийн үйл ажиллагааны чиглэлүүд:

• үйлдвэрлэл, технологийн
• зохион байгуулалт, удирдлагын
• шинжлэх ухаан, судалгааны

Оюутнууд Киров мужийн тэргүүлэх аж ахуйн газрууд болон шинжлэх ухаан, эрдэм шинжилгээний байгууллагуудад дадлага хийдэг.

Боловсролын хөтөлбөрийг эзэмших явцад оюутнууд компьютерийн программын тусламжтайгаар хооллолтын хуваарь боловсруулж, “Селекс”, “Фиас”, “Гибрид” зэрэг программуудыг ашиглан мал аж ахуйн үйлдвэрлэлийн үйл ажиллагааг төлөвлөж, удирдаж сурдаг.

Төгсөгчид сүү, мах үйлдвэрлэх ферм болон аж үйлдвэрийн цогцолбор, мал үржлийн үйлдвэр, мал үржүүлгийн нөхөн үржихүйн газар, малын селекц, эрлийз үржлийн төв, амьтны гаралтай бүтээгдэхүүн боловсруулах үйлдвэр, тэжээл ба нэмэлт тэжээл үйлдвэрлэх аж ахуйн нэгж байгууллагуудад ажилладаг.

Сургалтын жилийн төлбөр: 140 000 RUB

Сургалтын хэл: орос